At-tajdid News ta samu rahotannin daga majiyarta ta yankin gabas ta tsakiya ta irin hare-haren da dakarun mukawama suke kaiwa Yahudawan sahyoniya a bangarori daban-daban dake yankin Gaza.
Dakarun Al-Qassam Brigades sun kai hari kan wani jirgin ruwan yahudawan sahyoniya da wani bam mai karfin gaske, inda suka kashe tare da raunata ma’aikatansa a yankin Al-Zana dake arewa maso gabashin Khan Yunis a kudancin zirin Gaza tare da sanya ido a kan saukar jirgi mai saukar ungulu don kwashe su.
Al-Qassam Brigades: Mayakan su tare da hadin gwiwar dakarun Quds Brigades da na Al-Nasser, sun yi ruwan bama-bamai da manyan harsasai a wajen taron sojojin mamaya da motoci da ke kusa da dakin taro na Al-Muhandis da ke yankin Western Line a arewacin Khan Yunus.
Dakarun Qassam Brigades sun kai harin bama-bamai a wani wurin shinge na Yahudawan sahyoniya dake kusa da makarantar Dar al-Arqam da ke gabashin unguwar al-Tuffah da ke gabashin birnin Gaza ta hanyar amfani da harsasai.
Dakarun na Al-Qassam Brigades sun kai harin bam a wani shinge na Yahudawan sahyoniya a yankin Morag da ke kudancin Khan Yunis dake kudancin zirin Gaza da wasu manyan harsasai.
Sojojin Qassam sun fitar bayanan da suke nuni da cewa ba da gangan suke kashe fursunonin Isra’ila ba, “sai dai suna cin abin da mujahidanmu da mutanenmu suke ci, kuma ba za su samu wata kulawa ta musamman ba dangane da halin yunwa da kuma kawanyar da aka yiwa yankin Gaza”.
Kuma sun tsaya akan dole ne a bude hanyoyin shigo da kayan agji kamar yadda yake bisa al’ada kuma ya zama na dindindin domin shigar da abinci da magunguna ga daukacin al’umma a dukkan yankunan zirin Gaza, kuma dole ne a dakatar da duk wani nau’i na hare-haren jiragen saman abokan gaba a lokacin da fursunoni suke karbar kayan agaji.
Mai rahoto;
M.B.S.Gama.
At-tajdid News.
