Adadin mutanen da harin Isra’ila ya kashe a Beit Lahia da ke arewacin Gaza ya kai 87, cewa Ma’aikatar Lafiya a yankin da Isra’ila ta mamaye. Sanarwar ma’aikatar ta ce sama da ƙarin mutum 40 sun raunata, ciki har da waɗanda ke mawuyacin hali.
Asibitin Kamal Adwan Hospital da ke Beit Lahia ya sha ruwan bama-bamai daga hare-haren dakarun Isra’ila, wanda ke ci gaba da luguden bam a arewacin Gaza, cewar wani jami’i a yankin.
Hossam Abu Safiya, daraktan asibitin ya tabbatar cikin wata sanarwa, cewa harin Isra’ila ya lalata tankunan ruwa na asibitin, da babban layin lantarki, wanda ya janyo tsayar da ayyukan kula da lafiya da dama a asibitin.
Ya ƙara da cewa, yankin da ke kewaye da asibitin ya sha matsanancin luguden ruwan bama-bamai da ɓarin wuta tsawon awanni, wanda ya sanya majinyata da jami’an lafiya cikin babban haɗari.
Jami’in na musamman na majalisar Ɗinkin Duniya Tor Wennesland ya yi tir da harin da Isra’ila ta kai kan garin Beit Lahiya na Gaza, wanda ya kashe gomman mutane, kuma ya yi kira da a kawo ƙarshen hare-hare kan farar-hula da kare Falasɗinawa da suka tagayyara.
Harin Isra’ila na sama ya kashe ma’aikatan ƙungiyar jin-ƙai ta Birtaniya, wato Oxfam biyu a Jabalia ta arewacin, cewar ƙungiyar.
“Oxfam tana jimamin mummunan rashin jami’anmu a Juzoor, Dr Ahmad al Najar da unguwarzoma, Laila Jneid, wannan harin Isra’ila ya kashe a Jabalia,” cewar ƙungiyar jin-ƙan a wata sanarwa a shafin X da yammacin Asabar.
Sanarwar ta ce jami’an biyu suna bayar da muhimmin aikin agaji don ceton rayuka a Gaza.
“Farmaki kan ma’aikatar jin-ƙai lafin yaƙi ne,” in ji Oxfam, inda ta jaddada kiran gaggauta tsagaita wuta a Gaza.TRT Afarka Hausa.
Yaƙin Isra’ila a Gaza yana kwana na 380, ya halaka aƙalla Falasɗinawa 42,603 da raunata kusan 100,000, cewar ma’aikatar wannan adadin bai haɗa da gomman mutanen waɗanda harin cikin daren jiya ya rutsa da su ba, cewar rahoton AFP wanda ya ambato masu ceto. inda ake tunanin mutum sama da 10,000 suna binne ƙarƙashin baraguzan gine-gine. Isra’ila ta kashe aƙalla mutum 2,448 a Lebanon tun Oktoban bara.
At-tajdid News.
