Yuli 29, 2025 | Daga Jirgin Hamdala
‘Yan Australia biyu, Tania Safi da Robert Martin, da ke cikin jirgin agaji Handala, sun shiga cikin wani yajin yunwa tare da sauran mambobi 19 na jirgin, don nuna adawa da kisan kiyashi da Isra’ila ke yi a Gaza, da kuma fallasa kisan al’ummar Asali da tsarin mulkin zalunci a Australia.
Sakonsu Ga Gwamnatin Australia:
A cikin wata wasika da suka aikawa gwamnati, sun ce:
> “Muna bukatar gwamnatinmu ta daina ciniki da Isra’ila. Ta daina rufe laifukanta kamar yadda ta boye kisan kare dangi da aka yi wa al’ummar asali a gida – kamar kisan ‘yan tsiraru, manufar ‘farar fata Australia’, satar yaran asali da kulle su ba tare da shari’a ba.”
Sun Bukaci Gwamnati Ta Daina:
Aika makaman yaki ko sassa da ake amfani da su wajen kashe rayuka a Gaza da sauran yankunan Falasɗinu
Kare Isra’ila daga hukunci ko bincike, duk da kasancewar laifinta a bayyane
Zagaye gaskiya da shiru, da yin watsi da hakkokin rayuka
Suna Kira Ga:
– Firayim Minista Anthony Albanese,
– Da Senata Penny Wong,
…da su daina zaburar da son kai da ribar siyasa, su rungumi abin da ya saura na mutuncinsu da jin ƙai.
> “Ku tuna da Zomi Frankcom da duk wani rayayyen Bafalasɗine da aka kashe,” in ji wasikar.
“Ku tabbatar da an sake mu lafiya daga hannun dakarun da suka sace mu yayin da muke ƙoƙarin kai madarar jarirai zuwa Gaza.”
Hujjar Su: Aiki Ne Na Lumana
Jirgin Handala ba ya ɗauke da makami — kayan agaji ne kawai, musamman madarar jarirai, amma duk da haka, an kame su a cikin ruwa ba bisa ƙa’ida ba.
Wannan mataki na Tan da Robert ya kara bayyana cewa ganin gaskiya ya wuce iyakokin ƙasa da yare. Duniya na tashi tsaye da kanta, domin kare jarirai da yunwa ke kashewa a gaban idanu.
Rahoto daga: Amb. Mujahid
At-Tajdid News
