Yaƙin Isra’ila a Gaza ya shiga rana ta 338, inda ta kashe kusan Falasɗinawa 41,000 yawaicinsu mata da yara tare da jikkata kusan 95,000, kuma wani ƙiyasi ya nuna cewa fiye da mutum 10,000 na ƙarƙashin ɓaraguzan gine-ginen da aka rusa.Isra’ila na ci gaba da kashe farar hula a kullum a Gaza waɗanda akasarinsu mata ne da ƙananan yara.
Sojojin Isra’ila sun kashe mataimakin shugaba Hukumar Kare Farar Hula ta Gaza a wani harin sama da suka kai.
Hukumar ce ta sanar da hakan a wata sanarwa da ta fitar a ranar Lahadi inda ta ce zuwa yanzu Isra’ila ta kashe jami’anta 83 tun daga 7 ga watan Oktoba bayan soma yaƙi.
A wata sanarwa da mai magana da yawun hukumar Mahmoud Bassal ya fitar, ya yi ta’aziyya game da “kisan da aka yi wa Mohammad Abdelhay Morsi, mataimakin daraktan hukumar kare farar hula a arewacin Gaza, wanda Isra’ila ta kashe a wani hari ta sama a gidansa da safiyar nan a yankin Al-Alami da ke Jabalia.
Bassal ya ce baya ga jami’ansu 83 da Isra’ilar ta kashe, akwai fiye da 200 da ta jikkata.
TRTRT Afirka Hausa.
At-tajdid News.
