Gwamnan Kano Alhaji Abba Kabir Yusuf ya Kaddamar da Aza Harsashin Aikin Titin Danbatta Zuwa Digwal da Titin Wasai Zuwa Baita a Karamar Hukumar Minjibir.
Da yake kaddamar da aikin titin gwamna Abba Kabir Yusuf ya ce titunan zasu taimakawa al’umar yankin wajen fito da amfanin gonarsu zuwa kasuwanni wanda hakan zai bunkasa tattalin arzikinsu da inganta al’amuran sufuri a yankin.
Aikin titunan guda biyu wanda suka kasance hadin gwiwa tsakanin gwamnatin jihar Kano da bankin bunkasa addinin musulunci na duniya zasu habaka cigaban yankin da farfado da ayyukan noma da kiwo da Inganta sufuri da kuma habaka tattalin arzikin al’uma.
Gwamna Abba Kabir Yusuf yace aikin titunan guda biyu wanda zasu lakume Sama na Naira biliyan biyu gwamna Abba Kabir Yusuf ya bada tabbacin za’a kammala su nan da watanni shida masu zuwa.
A wani cigaban kuma gwamna Abba Kabir Yusuf ya bude titin kilomita biyar da aka kammala a karamar hukumar Gezawa.
Da yake bude titin wanda aka kawata shi da fitulu masu amfani da hasken rana, gwamna Abba Kabir Yusuf yace gwamnatinsa zata cigaba da baza ayyuka a cikin birni da karkara domin cigaban al’umar jikar.
Yayi i kira ga masu amfani da titin da su kauracewa gudun wuce sa’a da tukin ganganci.
At-tajdid News.
