Har yanzu dai daruruwan mutane ne ke cigaba da yin hijira domin tsira da rayuwar su daga unguwannin su zuwa unguwannin makota sakamakon ambaliyar da take faruwa a cikin mafiya yawancin unguwannin cikin garin na Maiduguri.Wannan ambaliyar dai ta faru ne sakamakon mamakon ruwan sama da ake samu a wannan shekara, hakan ne ne ya sanya babban Damp na Alo ambaliya.
Zuwa yanzu dai kimanin unguwanni sama da ashirin da biyyar (25), Asibitoci, manyan kasuwanni, Masallatai, gami da manya manyan ma’aikatu na gwamnati da ke cikin garin ruwa ya mamaye su, Daga cikin unguwannin da ambaliyar ta mamaye sun hadar da:Fori, Galtimari, Lagos street, Gonge, Adam kolo, Shehuri North, Shehuri South, Gidan Sarki kofar fada, London ciki, Gangamari, Abba ganaram, Post office, Hausari, Wulari, Imam Malik, Federal Lowcost, Baga road, da kuma Shagari Lowcost.
Masallatai: masallatai da dama ambaliyar ta shafesu daga ciki kuwa har da babban Masallacin cikin gari na gidan Sarki (Shehuri’s Mosque) Daga cikin ma’aikatu na gwamnati kuwa sun hadar da:University of Maiduguri Teaching Hospital (UMTH), Borno State Specialist Hospital, Borno State House of Assembly, Maiduguri Metropolitan Council Secretariat, gami da gidan Zoo.
A bangaren kasuwanni kuwa ambaliyar ta mamaye kusan dukkanin manyan kasuwannin garin wadanda suka hadar da:Kasuwar Gamboru, Custom, Kasuwar Shanu, gami da Kasuwar Litinin (Monday Market ).
Abu muhd.
